MUTOLAA ORQALI BOSHLANG‘ICH SINF O‘QUVCHILARINING AXLOQIY FAZILATLARINI RIVOJLANTIRISH

Maqolada boshlang‘ich sinf o‘quvchilarida mutolaa madaniyatini shakllantirish orqali ularning axloqiy fazilatlarini (vatanparvarlik, mas’uliyat, mehr-oqibat, rahm-shafqat) rivojlantirishning pedagogik-psixologik mexanizmlari tadqiq qilingan. Muallif doimiy va bosqichma-bosqich takomillashuvga asoslangan “Kaizen” texnologiyasini mutolaa jarayoniga joriy etish imkoniyatlarini asoslab beradi. Shuningdek, milliy ertak, hikoya va dostonlarning o‘quvchi kognitiv, ijtimoiy-kommunikativ hamda axloqiy-ma’naviy rivojlanishidagi o‘rni tahlil qilinib, kitobxonlikni rivojlantirishda oila, maktab va mahalla hamkorligining ijtimoiy-pedagogik shart-sharoitlari ko‘rsatib o‘tilgan.