SHAXS TARBIYASIGA YO‘NALTIRILGAN RAQAMLI KONTENTLARNI STANDARTLASHTIRISHNING PEDAGOGIK- METODOLOGIK ASOSLARI: XALQARO TAJRIBA VA MILLIY MODEL

Mazkur maqolada shaxs tarbiyasiga yo‘naltirilgan raqamli kontentlarni standartlashtirishning pedagogik-metodologik asoslari, zamonaviy raqamli muhitning shaxs kamolotiga ta’siri hamda xalqaro tajribani milliy ta’lim-tarbiya tizimiga moslashtirish mexanizmlari ilmiy-nazariy jihatdan tahlil etiladi. Raqamli transformatsiya sharoitida tarbiya jarayoni an’anaviy ta’lim makonidan tashqariga chiqib, ijtimoiy tarmoqlar, videoplatformalar, messenjerlar, raqamli o‘yinlar, interaktiv ta’lim resurslari va sun’iy intellekt asosidagi tizimlar bilan bevosita bog‘lanmoqda. Shu sababli raqamli kontentlarning pedagogik, psixologik, axloqiy, madaniy va axborot xavfsizligi talablariga javob berishini ta’minlash dolzarb ilmiy-amaliy muammoga aylanmoqda.